Non potho reposare amore e coro
pensende a tie soe d’onzi momentu.
No istes in tristura prenda ‘e oro,
né in dispiacere o pessamentu:
t'assicuro ch'a tie solu bramo,
ca t'amo forte t'amo, t'amo, t'amo.
Ses su sole ch’illuminat sa die
chi naschet su manzanu in s’oriente;
lizu fioridu candidu che nie,
sempre in su coro meu ses presente.
T’assicuro ch’a tie solu bramo
ca t’amo forte t’amo, t’amo, t’amo.
Amore meu prenda de istimare
s'affettu meu a tie solu est dau;
s'are iuttu sas alas a bolare,
milli bortas a s'ora ippo bolau;
Pro benner nessi pro ti saludare,
s'attera cosa non a t'abbissare.
Si m'esseret possibile d'anghelu
d'ispiritu invisibile piccabo
sas formas; che furabo dae chelu
su sole e sos isteddos e formabo
unu mundu bellissimu pro tene,
pro poder dispensare cada bene.
Non potho reposareultima modifica: 2015-04-04T09:24:13+02:00da
Reposta per primo quest’articolo